दुईतिहाई बहुमततिर रास्वपा!

काठमाडौं । प्रतिनिधिसभाको निर्वाचनको मतगणना जारी छ । प्रत्यक्ष र समानुपातिक दुवैतर्फ रास्वपा हाबी हुँदै दुई तिहाइ बहुमततर्फ अग्रसर भइरहेको छ ।

निर्वाचनको आयोगको पछिल्लो परिणाम अनुसार अहिलेसम्म रास्वपाले ३९ ठाउँमा जित निकालिसकेको छ भने ८३ ठाउँमा अग्रता लिइरहेको छ । अग्रता भएका अधिकांश ठाउँमा भारी मतान्तर भएकाले जित्ने सुनिश्चित छ ।

दोस्रो स्थानमा रहेको नेपाली कांग्रेसले अहिलेसम्म ५ स्थानमा जित्दा ११ ठाउँमा अग्रता लिएको छ । नेकपा एमालेले २ ठाउँमा जित्दा ८ ठाउँमा अग्रता, नेपाली कम्युनिस्ट पार्टी २ ठाउँमा जित्दा ७ ठाउँमा अग्रता लिएको छ ।

यीबाहेक श्रम संस्कृति पार्टीले ४ र राष्ट्रिय प्रजातन्त्र पार्टीले एक ठाउँमा अग्रता लिएको छ । अहिलेसम्म म्याग्दीमा भने स्वतन्त्र उम्मेदवार महावीर पुन विजयी भए ।