गायिका मेलिना राई विवाह बन्धनमा बाँधिदै, को हुन् हुनेवाला श्रीमान्?

काठमाडौँ। गायिका मेलिना राई विवाह बन्धनमा बाधिने भएकी छन्। उनी व्यवसायी ध्रुव गुरुङसँग विवाह बन्धनमा बाधिने भएकी हुन्। उनले आज इन्गेजमेन्ट गरेको तस्बिर सार्वजनिक गर्दै विवाह बन्धनमा बाधिने खबर बाहिरिएको हो। उनका श्रीमान् भने व्यवसायी हुन्। इलाम घर भएका ध्रव हाल काठमाडौँमै बस्छन्।

उनीहरुको बिहे भोलि शुक्रबार हुँदै छ। काठमाडौँ गोकर्णेश्वरको एक रिसोर्टमा विवाह समारोह राखिएको छ। मेलिनाका थुप्रै गीत चर्चित छन्। उनले रैँया चाँदीको, कम्मरमाथि पटुकी, पटुकीमाथि घैला, शीरैमा शीरबन्दी, तिमीले बाटो फेर्‍यौ अरे, कुटुमा कुटु सुपारी दाना, जेल पनि सहुँला लगायतका हिट गीत गाइसकेकी छिन्।