‘रिफ्रेस’ हुन सुकुटेमा प्रचण्ड

काठमाडौँ । नेकपा माओवादी केन्द्रका अध्यक्ष पुष्पकमल दाहाल प्रचण्ड सिन्धुपाल्चोकस्थित सुकुटे रिसोर्ट पुगेका छन्। अध्यक्ष प्रचण्ड सोमबार साँझ सुकुटे रिसोर्ट पुगेका हुन्। उनी पार्टीको केन्द्रीय समिति बैठक सकेसँगै सुकुटे पुगेका हुन्। उनी राजनीतिक रूपमा जटिल निर्णय लिन परेमा सुकुटे पुग्छन्।

उनी यसपटक भने बैठक पश्चात् ‘रिफ्रेस’ हुन सुकुटे पुगेका ह्न्। यद्यपि, केही कार्यक्रम भने तोकिएको छ। रिसोर्ट पुगेलगत्तै उनले पार्टीका नेता नेता कार्यकर्ता, जनप्रतिनिधि र सुरक्षा अधिकारीसँग बाढी पहिरो प्रभावित क्षेत्रको पुनर्निर्माण लगायतका विषयमा जानकारी लिएका छन् ।

उनले मंगलवार आठौँ पुरुष राष्ट्रिय बिच भलिबल प्रतियोगिता उद्घाटन गर्ने कार्यक्रम तय भएको छ।