हेर्नुस् आजको राशिफल

मेष : भाग्यले साथ दिनेछ। धैर्य गरी मिहिनेत गरेमा कार्यसिद्धि हुन सक्छ। आफन्तजनहरू खुसी हुने समाचार दिन सकिन्छ। मनोरञ्जनको क्षेत्रमा गरेको लगानीबाट श्री प्राप्ति हुनेछ। लुकेको प्रतिभाको सहज विकास हुनेछ।

वृष : धार्मिक र सामाजिक महत्त्व बोकेको क्षेत्रमा भ्रमण हुन सक्छ। पुराना साथीभाइसित भेटघाट होला। मिहिनेतको राम्रो नतिजा हात पर्नेछ। ससाना यात्राबाट राम्रो फल मिल्नेछ। विदेशबाट राम्रो समाचार प्राप्त हुनेछ।

मिथुन : मठमन्दिरको भ्रमणले काम सम्पन्न गर्न थप ऊर्जा प्रदान गर्नेछ। इष्टमित्रसँग भेटघाट गर्ने अवसर जुट्नेछ। लुकेको प्रतिभा र योग्यताको कदर हुनेछ। चिताएको कामले तीव्रता लिनेछ। धार्मिक कार्य सफल रहनेछ।

कर्कट : स्वरोजगारीका निम्ति दौडधुप गर्नुपर्ने हुन सक्छ। मनोरञ्जनमा लाग्दा अवसर गुम्न सक्छ। अनावश्यक झमेलामा परिएला। सामान हराउने योग छ। साँझमा सुखद भेटघाट हुनेछ। परोपकारी कार्यमा संलग्न भइनेछ।

सिंह : धैर्यताले अवसर दिलाउनेछ। सजिलै अरूको मन जित्न सकिनेछ। परिणाममुखी जिम्मेवारी वहन गर्ने समय आएको छ। मनमा ठूलो उत्साह र उमङ्गको सिर्जना हुनेछ। व्यावसायिक जीवनमा सुधार आउनेछ।

कन्या : प्राविधिक कार्य सफल हुनेछ। आफूसँग भएको क्षमता प्रदर्शन गर्ने अवसर जुट्ला। धार्मिक, सामाजिक र अरूको हित हुने काममा समय व्यतीत हुन सक्छ। आफ्नै प्रयासमा सुनिश्चित गरिएका कार्यबाट सफलता प्राप्त हुनेछ।

तुला : परोपकारजन्य कार्यमा लगाव बढ्ने र धन सञ्चयको अवसर प्राप्त हुनेछ। बन्धुबान्धवबाट सहयोग मिल्नेछ। भौतिक सुखमा बढोत्तरी हुनेछ। दाजुभाइ र दिदीबहिनीबाट सहायता मिल्नेछ। पठनपाठनमा प्रगति हुनेछ।

वृश्चिक : मन खिन्न हुने स्थिति आउनेछ। महत्त्वाकाङ्क्षी योजना गोप्य राखेर अघि बढ्नुहोला। घरव्यवहारमा झमेला आउन सक्छ। सामान हराउने वा चोरी हुने भय छ। साँझमा रोकिएको काम दोहोर्‍याएर प्रयत्न गर्दा सफलता मिल्नेछ।

धनु : गोपनीय ढङ्गले गरिएको क्रियाकलापमा सफलता पाउनुहुनेछ। धैर्यतापूर्वक काम गर्नुपर्ने देखिन्छ। सफल यात्रा गर्ने अवसर जुट्नेछ। परिवारलाई समय दिन सकिनेछ। शुभकार्यको चर्चा चल्नेछ। मित्रसँग मीठो भेटघाट रहला।

मकर : कुनै समाचारले मनमा शान्ति छाउला। वाणीमा कुशलता आउने दिन परेको छ। प्रेमीको सहयोग पाइनेछ। मनमा ठूलो उत्साह र उमङ्गको सिर्जना हुनेछ। सञ्चारमाध्यमबाट शुभ समाचार प्राप्त हुनेछ। नयाँ कामको थालनी हुनेछ।

कुम्भ : आफन्त, सहयोगी र मित्र वर्गको सहयोगले महत्त्वपूर्ण कार्य सम्पन्न हुन सक्छ। भेटघाट र मनोरञ्जनमा सहभागी भइएला। नयाँ र शुभकार्यको चर्चा चल्नेछ। प्रेम जीवन सबल र सफल हुनुका साथै आम्दानीका स्रोत बढ्नेछन्।

मीन : मिश्रित फल मिल्नेछ। घरायसी वातावरणमा केही असामान्यता देखिन सक्छ। बेसुरमा वचन दिने बानीले अप्ठ्यारो पर्न सक्छ। वैदेशिक कार्यमा उल्झन आउनेछ। परिवारमा मेलमिलाप राम्रै हुनेछ।