अख्तियारलाई हर्क साम्पाङको रोचक जवाफ

काठमाडौँ। सुनसरीको धरान उपमहानगरपालिकाका मेयर हर्कराज राई (हर्क साम्पाङं) ले खानेपानी बोर्डको विषयमा परेको उजुरीमा रोचक जवाफ पठाएका छन्। उनले शुक्रबार अख्तियारको इटहरीस्थित कार्यालयलाई जवाफ पठाउँदै उजुरी गर्ने व्यक्तिको बारेमा जानकारी माग गरेका छन्।

‘बिहान उठ्ने बित्तिकै टोइलेट जानु पर्छ। टोइलेटमा पानी छैन भने के हुन्छ त्यो भनिरहन पर्दैन होला। केही छिन पछि भात पकाउनु परो। भात पकाउन पानी चाहिन्छ। भात खाए पछि हातमुख चुठ्नु परो त्यसको लागि नि पानी चाहिन्छ। जुठोभाँडा लडाइराख्न मिलेन धुनै परो त्यसको लागि नि पानी नै चाहिन्छ। फोहोर लुगा लगाएर भएन धुनै परो। लुगा धुन नि पनि नभैनहुने। स्वास्थ्य रहनलाई प्रशस्त पानी पिउनु पर्छ र दैनिक नुहाउनु पर्छ भन्छ केही नजान्ने डब्ल्युएचओले। नुहाउनलाई नि पानी चाहियो,’ मेयर साम्पाङको जवाफ छ।