हेर्नुस् आजको राशिफल

आज बुधबार, १६ माघ २०८१ 

मेष : मङ्गल कार्यमा सरिक भइनेछ। प्रेम र मित्रताको बन्धन कसिनुका साथै दाम्पत्य सुखमा रमाउने समय छ। परिश्रम गर्दा धनार्जन हुनेछ। व्यावसायिक काममा राम्रै फड्को मारिएला। वैदेशिक कार्य अघि बढ्नेछ।

वृष : सुखदुःख बराबरी हुनेछ। सामाजिक कार्यमा सफलता मिल्नेछ। काम देखाएर अरूको मन लोभ्याउन सकिनेछ। नयाँ व्यक्तिसँग भेटघाट हुने समय छ। साजसज्जामा ध्यान जानेछ।

मिथुन : नयाँ योजना कार्यान्वयनमा ल्याउन मुस्किल पर्ला। घरपरिवारमा झैझमेलाको अवस्था आउला। अधिकार प्राप्तिका लागि संघर्ष गर्नु पर्नेछ। सद्‌विचारले अभिप्रेरित हुनेहरूलाई साँझपख लाभ हुनेछ।

कर्कट : नयाँ व्यक्तिसँग समीपता बढ्नेछ। परिश्रमअनुसार उपलब्धि राम्रै पाइएला। रमणीय र सुखद यात्राको योग छ। ठीक समयमा सही निर्णय लिन सकिनेछ। वैदेशिक क्षेत्रबाट लाभै होला।

सिंह : शुभ कार्यमा सरिक भइनेछ। शैक्षिक क्षेत्रमा सफलता मिल्नेछ। हितेच्छुले मन फुकाएर सहयोग गर्नेछन्। अधुरा कार्य पूरा हुने र रमाइलो यात्राको योग छ। समग्रमा दिन सकारात्मक छ।

कन्या : शुभकार्यको चर्चा चल्नेछ। रोकिएको वैदेशिक कार्य अघि बढ्नेछ। धार्मिक तथा सांस्कृतिक गतिविधिमा संलग्न हुनु पर्नेछ। नयाँ ज्ञान सिक्ने मौका मिल्नेछ। स्वास्थ्यमा तथा सुन्दरतामा धन खर्च हुनेछ।

तुला : लाभहानि बराबर रहनेछ। आफन्तसँग खटपट हुनेछ। विद्यामा सोचेजस्तो प्रगति गर्न धैर्य गर्नु पर्छ। चलाखीपूर्ण बोलीले लक्ष्य पहिल्याउन सहज हुनेछ। तर, धेरै ठूलो महत्त्वाकाङ्क्षा लिएर काम नगर्नु होला।

वृश्चिक : लगनशीलताले कामहरू अगाडि बढ्नेछन्। शुभकार्यको योजना बन्नेछ। प्रेम र मित्रताको बन्धन कसिनुका साथै दाम्पत्य सुखमा रमाउने समय छ। आफ्नो क्षेत्रमा प्रभुत्व जमाउन सकिनेछ। पुँजी बजारबाट लाभ मिल्नेछ।

धनु : राजनीतिक, सामाजिक तथा धार्मिक कार्यमा रुचि बढ्नेछ। दाम्पत्य जीवनमा मधुरता छाउनेछ। प्रेम प्रसङ्गमा सफलता मिल्नेछ। वैदेशिक क्षेत्रको अधुरो काम अघि बढ्नेछ। प्रसन्नतापूर्वक समय व्यतीत हुनेछ।

मकर : दाम, इनाम र प्रतिष्ठा कमाउने बेला छ। सञ्चारमार्फत आफन्तसँग भेटघाट हुनेछ। कार्यक्षेत्रमा प्रभुत्व जमाइएला। धर्म, कर्म तथा समाजसेवामा मन लाग्नेछ। ठूला व्यक्तिले तपाईँको मेहनतको प्रशंसा गर्नेछन्।

कुम्भ : मनमा दुबिधा उत्पन्न हुनेछ। पारिवारिक उल्झनमा परिएला। जसले आँटेको काम बिग्रन सक्छ। नयाँ योजना कार्यान्वयनमा आउन कठिन छ। यात्रामा मालसामान हराउन सक्छ। चोटपटकको भय पनि छ। अतः सचेत रहनु होला।

मीन : इनाम र प्रतिष्ठा मिल्ला। विशिष्ट व्यक्तिको साथ र सहयोग पनि पाइनेछ। पर्यटकीय स्थलको भ्रमणले मन लोभ्याउनेछ। घरमा अतिथिको आगमन हुनेछ। रमाइलो यात्राको सम्भावना छ। नयाँ व्यक्तिसँग भेटघाट होला।