पूर्वकानुनमन्त्री खरेल बने ओलीको सल्लाहकार

काठमाडौँ । प्रधानमन्त्री केपी शर्मा ओलीको विज्ञ सल्लाहकारमा अग्नि खरेल नियुक्त भएका छन्। बुधबार बसेको मन्त्रिपरिषद्को बैठकले खरेललाई प्रधानमन्त्रीको विज्ञ सल्लाहकार नियुक्त गर्ने निर्णय गरेको एक मन्त्रीले जानकारी दिए।

झापाका खरेल संविधानसभा सदस्य हुन्। उनी अहिले एमालेको स्थायी कमिटी सदस्य छन्। पूर्वमहान्यायाधिवक्तासमेत रहेका उनी ओलीको पहिलो कार्याकालमा कानुनमन्त्री पनि भएका थिए।