मेष : सुन्दर पहिरनले व्यक्तित्वमा निखार ल्याउनेछ। प्रेम सम्बन्ध र प्रणय प्रसङ्गमा मधुरता छाउनेछ। न्यायिक तथा राजनीतिक कार्यमा सफलता मिल्नेछ। सामान्य स्वास्थ्य समस्याले सताउन सक्छ।
वृष : जे काम गर्नुहुन्छ होसियारीपूर्वक गर्नुहोला। आफूलाई कमजोर भएको अनुभूति हुनेछ। राज्यबाट दण्ड तथा जरिवाना हुन सक्छ। यात्रा गर्दा सावधानी अपनाउनु पर्नेछ। सामान हराउने वा चोरी हुने सम्भावना छ।
मिथुन : अधिकार प्राप्तिका लागि गरिएको प्रतिस्पर्धामा विजयी भइनेछ। धार्मिक तथा समाजसेवामा मन लाग्नेछ। आँटे(ताकेको पूरा हुनेछ। प्रेम र मित्रताको बन्धन कसिनुका साथै दाम्पत्य सुखमा रमाउने समय छ।
कर्कट : आफ्नो क्षेत्रमा प्रभुत्व जमाउन सकिनेछ। खर्च बढे पनि आम्दानीभन्दा बढी हुने छैन। लामो यात्रा सुखद र सफल हुनेछ। धर्मकर्म तथा समाजसेवामा मन लाग्नेछ। भौतिक सुविधाका साधन खरिद गर्ने अवसर जुट्न सक्छ।
सिंह : धार्मिक तथा सांस्कृतिक सभा समारोहमा सरिक हुने सम्भावना छ। दाम्पत्य जीवन सुखद तथा समृद्ध बन्ने देखिन्छ। आतिथ्यपूर्ण सम्मान पाइएला। व्यवसायका लागि यात्राको सम्भावना छ। शैक्षिक क्षेत्रमा सफलता मिल्नेछ।
कन्या : कमजोर भएको अनुभूति हुनेछ। केही कुराले मनमा अशान्ति र छटपटी व्याप्त हुन सक्छ। शरीरमा स्फूर्ति र उमङ्गको कमी हुनेछ। बोलीको विपरीत अर्थ लाग्न सक्छ। नयाँ कामको योजना बन्नेछ।
तुला : दिन हाँसखेल र मनोरञ्जनपूर्ण रहनेछ। मनमा उत्साहका साथै बोली बिक्ने समय छ। स्थानान्तरण र टाढाको यात्रा सम्भावना छ। आफन्त र साथीभाइबाट सहयोग तथा हौसला प्राप्त हुनेछ। वैदेशिक कार्य अघि बढ्नेछ।
वृश्चिक : एकपछि अर्को अवसर आउनाले मन प्रसन्न रहनेछ। मित्रजनको साथ सहयोगले उल्लेख्य कार्य सम्पादन हुनेछ। रोकिएका काम सम्पादन हुने र नयाँ काम पाइने योग छ। आम्दानी बढ्ने र उठ्नुपर्ने रकम हातलागी हुने समय छ।
धनु : नयाँ ठाउँमा घुमफिर र मन्दिर दर्शनको योजना बन्नेछ। लामो समयदेखि रोकिएका काम पूरा हुनेछन्। आजको दिनलाई सकारात्मक बनाउने समय छ। आफन्त वा नजिकका व्यक्तिको सहयोगबाट अधुरा कार्यले गति लिनेछ।
मकर : दिन त्यति राम्रो देखिँदैन। विचार पुर्याएर निर्णय लिनु राम्रो होला। आफूलाई कमजोर भएको अनुभूति हुनेछ। पढाइलेखाइमा ध्यान दिन नसकिएला। दिनको उत्तरार्धमा मन पर्ने व्यक्तिसँग भेटघाट हुनेछ। स्वादिष्ट भोजनमा सरिक भइनेछ।
कुम्भ : अधुरो काम बन्नाले मन प्रसन्न हुनेछ। घरपरिवारमा रमाइलो वातावरण छाउनेछ। राज्यका ठूला व्यक्तिले तपाईँको मेहनतको कदर गर्नेछन्। विश्वासपात्रलाई वचन दिँदा संयमता अपनाउनुहोला।
मीन : कुनै न कुनै कुराले मनमा प्रसन्नता छाउनेछ। काम गर्ने जोस, जाँगर र उमङ्ग बढ्नेछ। व्यावसायिक काममा राम्रै फड्को मार्न सकिनेछ। वैदेशिक क्षेत्रको लगानी लाभदायक रहनेछ। विपरीत वर्गप्रति आकर्षण बढ्नेछ।
