आन्दोलनरत शिक्षकलाई सरकारले फेरि बोलायो वार्तामा

काठमाडौँ। विद्यालय शिक्षा विधेयक संसद्बाट पारित गर्न दबाब दिइरहेका शिक्षा, विज्ञान तथा प्रविधि मन्त्रालयले फेरि वार्तामा बोलाएको छ। मन्त्रालयका प्रवक्ता शिवकुमार सापकोटाले भोलिका वार्तामा आउन अनुरोध गरेका हुन्।

‘भोलि मिति २०८१–१२–२७ गतेका दिन वार्ता र संवादका लागि राहत एवम् अस्थायी शिक्षक, साविक उच्च माविका शिक्षक, बालविकास शिक्षक, विद्यालय कर्मचारी लगायतका सबै शिक्षक–कर्मचारीको प्रतिनिधित्व हुनेगरी उपस्थित हुनका लागि नेपाल शिक्षक महासंघलाई पुनः आमन्त्रण गरिन्छ। साथै, वार्ता र संवादको समय तालिका आपसी सल्लाहअनुसार तय गरिनेछ,’ विज्ञप्तिमा उल्लेख छ।

गत चैत २० मा शिक्षकहरू काठमाडौँ केन्द्रित आन्दोलन गरिरहेका छन्। सरकारले यसअघि बोलाएको बैठक पनि शिक्षकहरूले अस्वीकार गरेका थिए।