फेकनको अध्यक्षमा उमेश कुश्वार निर्वाचित [यी हुन् पदाधिकारी र सदस्यहरू]

काठमाडौं। शैक्षिक परामर्श व्यवसायीहरूको छाता संगठन स्वतन्त्र शैक्षिक परामर्श संघ नेपाल (फेकन) को अध्यक्षमा उमेश कुश्वार निर्वाचित भएका छन्। नयाँ नेतृत्वका लागि सम्पन्न निर्वाचनले कुश्वारको नेतृत्वमा १५ सदस्यीय कार्यसमिति चयन गरेको हो। समितिको उपाध्यक्षमा छविन्द्र ओझा र गगन बिस्ट निर्वाचित भएका छन्।

महासचिवमा दिपेन्द्र पोखरेल, सचिवद्वयमा रामचन्द्र केसी र राजकुमार ढकाल, कोषाध्यक्षमा गौतम पुडासैनी र सह कोषाध्यक्षमा मञ्जु लामिछाने चुनिएका हुन्।

सदस्यहरूमा मन्दिरा सिटौला, निराजन रोका क्षेत्री, धिरज रायमाझी, रिजन मडै, योगेन्द्र चौहान, निराजन शिवाकोटी, वैकुण्ठ उप्रेती निर्वाचित भएका हुन्। शनिवार काठमाडौँको गैरीधारा स्थित सिल्भर ओक बैङ्केटमा साधारणसभा सम्पन्न भएको थियो।