गण्डकी प्रदेशमा शैक्षिक परामर्शले अनुमतिको आबेदन दिने समय थप गरिएको

गण्डकी प्रदेश सरकार, सामाजिक विकास, युवा तथा खेलकूद मन्त्रालयले एक सूचना २०८२/०३/१३ मा जारि गर्दै शैक्षिक परामर्श, पूर्व तयारी कक्षा र भाषा शिक्षण कक्षा संचालन गरि राखेका सस्थाहरुले अनुमतिको लागि निबेदन गर्न सक्नेछन।

शैक्षिक परामर्श, पूर्व तयारी कक्षा र भाषा शिक्षण कक्षा सञ्चालन गर्न इच्छुक संस्थाहरुलाई सञ्चालन अनुमति प्रदान गर्ने सम्बन्धमा मन्त्रालयबाट मिति २०८२/०२/१४ गते प्रथम पटक सार्वजनिक रुपमा सूचना प्रकाशन गरी सूचना प्रकाशन भएको मितिले ३० दिन भित्र आवश्यक कागजात सहित मन्त्रालयमा निवेदन पेश गर्न भनी सम्बन्धित सबैलाई जानकारी गराईएको थियो। सो अवधिमा उक्त मन्त्रालयमा प्रयाप्त निवेदन पेश हुन नसकेका र सो सम्बन्धी निवेदन पेश गर्न इच्छुक संस्थाहरु धेरै भएको भन्ने सूचना मन्त्रालय ले प्राप्त गरेको हुनाले मन्त्रालयको मिति २०८२/०३/०९ को निर्णय (माननीय मन्त्रीस्तर) अनुसार उक्त सूचनाको म्याद यो सूचना प्रकाशन भएको मितिले ३० दिन थप गरिएको छ।

विस्तृत जानकारीको लागि मन्त्रालयको वेभ साईड www.mosd.gandaki.gov.np मा सकिने तथा थप जानकारीको लागि शा.अ. शंकरप्रसाद बराल(९८४६१०३९६८) र अधिकृत हिरा बहादुर थापामगर(९८४७६६९२९०) सम्पर्क गर्न सकिन्छ।