धवलशमशेर र रवीन्द्र मिश्रलाई धरौटीमा छोड्ने आदेश उच्चबाट सदर

काठमाडौं। उच्च अदालत पाटनले राप्रपाका वरिष्ठ उपाध्यक्ष रवीन्द्र मिश्र र महामन्त्री डा. धवलशम्शेर राणालाई धरौटीमा छोड्ने जिल्ला अदालतको आदेश सदर गरेको छ ।

जिल्ला अदालत काठमाडौंले मिश्र र राणालाई ३–३ लाख रुपैयाँ धरौटीमा छोड्ने आदेश दिएको थियो । त्यसविरुद्ध सरकारी पक्षमा उच्च अदालतमा पुनरावेदन गरेकोमा अदालतले जिल्लाकै आदेश सदर गरेको हो ।

उच्चको आदेशपछि मिश्र र राणाले कारागारबाहिरै रहेर मुद्दा लड्न सक्नेछन् । काठमाडाैंको तीनकुनेमा भएको राजावादीको प्रदर्शन हिंसात्मक बनेपछि मिश्र र राणाविरुद्ध मुद्दा दर्ता भएको थियो ।