ओली सरकार आलोचक र विपक्षीको घाटीमा तरबार झुन्डाउन उद्धत छ ; मिलन लिम्बु

काठमाडौं । राष्ट्रिय स्वतन्त्र पार्टी (रास्वपा)का नेता मिलन लिम्बुले वर्तमान सरकार विपक्षीको घाटीमा तरबार झुन्डाउन उद्धत रहेको बताएका छन्।

सरकारले उपसभामुख इन्दिरा राना मगरलाई महाअभियोग लगाउने तयारी गरेपछि नेता लिम्बुले आलोचकलाई समेत निमिट्यान्न पार्ने दाउमा रहेको दाबी गरेका छन्। सामाजिक सञ्जालमा लिम्बुले भनेका छन्,` विपक्षी र आलोचकको घाँटीमा तरबार झुण्ड्याएर शासन गर्दैछ ओली सरकार ।´

आजै मात्र सत्तारूढ दल कांग्रेस र एमालेले उपसभामुखलाई पदबाट हटाउन हस्ताक्षर अभियान अघि बढाएका छन्। तर सत्तारुढ दलमै असन्तुष्टि देखिएपछि केही दिनलाई थाती राखिएको बताइएको छ। रानाले विगतमा विदेश भ्रमणमा जादा आफूसँग लैजान केही युवालाई भिषा दिन राजदूतावासमा पत्र लेखेको विषयलाई सत्तारूढ दलले मुल एजेन्डा बनाएका छन्।

उनीहरूले रानाले उपसभामुख पदलाई दुरुपयोग गरेको भन्दै महाअभियोग लगाएर हटाउन खोजिएको हो।