काठमाडौं ।प्रधानमन्त्री केपी शर्मा ओलीले विपिन जोशीकी आमा र बहिनीसँग भेटवार्ता गरेका छन् । प्रधामन्त्री ओलीले प्रधानमन्त्री निवास बालुवाटारमा विपिन जोशीकी आमा पद्मा र बहिनी पुष्पासँग इजरायलबाट फर्केपछि भेटवार्ता गरेका हुन् ।
उनीहरु विपिनको सकुशल रिहाइको पहल गर्ने सिलसिलामा नेपाली दूतावासको समन्वयमा इजरायली राष्ट्रपति र त्यहाँको संसदका अध्यक्षसँग भेटेर फर्केका थिए ।
उनले विपिनको रिहाइका पहलका लागि सरकारले कुनै पनि कसर बाँकी नराखेको बताए ।
‘विपिन जोशीकी आमा पद्मा र बहिनी पुष्पा इजरायलबाट फर्केपछि उनीहरुसँग भेट भयो। विपिनको सकुशल रिहाइको पहल गर्ने सिलसिलामा नेपाली दूतावासको समन्वयमा इजरायली राष्ट्रपति र त्यहाँको संसदका अध्यक्षसँग भेटेर फर्कनु भएको थियो। बिपिनको रिहाइका पहलका लागि सरकारले कुनै पनि कसर बाँकी राखेको छैन। उनले भनेका छन् ।
सम्बन्धित समाचार
