कोरियामा विद्यार्थीमाथि हुने ठगीबाट सचेत आग्रह

कोरिया। अध्ययनका लागि कोरिया आएका नेपाली विद्यार्थीलाई पार्ट टाइम काम लगाइदिन्छु भन्दै  ठगी गर्नेप्रति सचेत रहन नेपाली विद्यार्थी समाज सोनसिक, दक्षिण कोरियाले अपिल गरेको छ।

`हालै कोरियामा नयाँ आएका विद्यार्थी लक्षित धोका–धडी (Scam) बढिरहेको र कसैले पनि पार्ट-टाइम काम दिलाइदिन्छु भन्दै अग्रिम पैसा माग्ने गिरोहबाट होसियार रहनु होला,´ सोनसिकले सूचनामार्फत भनेको छ।

अहिले कोरियामा सामाजिक सञ्जालमा फेक अकाउन्ट बनाएर दिनहुँ विद्यार्थीलाई प्रलोभन देखाएर पैसा लिने र सम्पर्क बिहीन हुने प्रचलन बढ्दै गएको सोनसिकले जानकारी दिएको छ। कुनै पनि कारोबार गर्दा वा काम गर्दा सचेत र सुरक्षित रहेर अगाडी बढ्न आग्रह गरिएको छ।

सोनसिकले कुनै विद्यार्थीले यस किसिमको समस्या भोग्नुपरेको भए कोरियास्थित नेपाली दूतावासमा जानकारी गराउन आग्रह गरेको छ।
ठगीमा परेको भए आफ्नो नाम, ठेगाना, विश्वविद्यालयको नाम, फोन नं, ठगीको बैंक डिटेट, कुराकानीको विवरण, कल रेकर्ड भए सो को विवरण सहित दुताबासमा इमेलमार्फत जाानकारी गराउन भनिएको छ।

दूतावासको इमेल ठेगाना kr.nepalembassy.gov.np, nepembseoul2015@gmail.com, nepembseoul2015@gmail.com वा फोन 02-3789-9770 मा ठगिको विवरण टिपाउन सकिने बताइएको छ।