चट्याङ लागेर हेटौँडामा एकको मृत्यु

काठमाडौँ। चट्याङ लागेर हेटौँडा उपमहानगरपालिका–१५ कमेरोपानीमा एक जनाको मृत्यु भएको छ । चट्याङ लागेर हेटौँडा उपमहानगरपालिका–१६ सानो आकाशधाराका ३७ वर्षीय बुद्धबहादुर प्रजाको घटनास्थलमा नै मृत्यु भएको जिल्ला प्रहरी कार्यालय मकवानपुरका प्रवक्ता श्यामु अर्यालले जानकारी दिए ।

उनका अनुसार स्थानीय धनबहादुर स्याङतानले सञ्चालन गरेको किराना पसलमा दैनिक उपभोगका सामान खरिद गर्न गएका बेला चट्याङ लागेर उनको मृत्यु भएको हो ।

शवपरीक्षणका लागि हेटौँडा अस्पताल पुर्‍याइएको प्रहरीले जनाएको छ ।