विद्यार्थीले पाए एकै ठाउँमा परामर्श

काठमाडौं। कोरियामा अध्ययन गर्न चाहने विद्यार्थी लक्षित बृहत कोरिया शैक्षिक मेला–२०८२ सम्पन्न भएको छ। कोरिया शैक्षिक परामर्श नेपाल (केक्यान)को आयोजनामा नयाँ बानेश्वरस्थित एभरेस्ट होटलमा भएको मेलाको दुई हजार भन्दा बढी विद्यार्थीले सहभागी भएका छन् ।

मेलाको उद्धघाट शत्रमा बोल्दै प्रमुख अथिति देवेन्द्र पौडेलले विद्यार्थीलाई सही परामर्श दिएर अध्ययनका लागि पठाउन आग्रह गर्दै अध्ययन पछि नेपालमै प्रयोग हुनसक्ने जनशक्ति जोड दिनुपर्ने बताए । उनले अहिले १२ पास गरेपछि बाहिर नै जानुपर्छ देशमा भविष्य छैन भन्ने जस्तो गलत भाष्य बन्दै गएको बताउँदै त्यसलाई रोकेर नेपालकै विश्वविद्यालयमा पनि विद्यार्थी पढ्न प्रेरित गर्नुपर्ने बताए ।

मेलामा लामो समयदेख कोरिया अध्ययन गर्न जाने विद्यार्थीलाई सहजीकरण गर्दै आएका २३ कल्सल्टेन्सीका ७० भन्दा बढी तालिमप्राप्त एवं अनुभवी परामर्श दाताबाट विद्यार्थीले सेवा दिएको केक्यानका अध्यक्ष विष्णु खड्काले जानकारी दिए।

खड्काले मेलाबाट विद्यार्थीहरूले विभिन्न छात्रवृत्तिका अवसरहरू सहित एकै ठाउँबाट कोरिया अध्ययन गर्नका लागि उपयुक्त परामर्श लिएर लाभांवित भएको बताए।

शनिबार बिहान ९ बजे देखि बेलुका करिब ५ बजेसम्म चलेको मेलाबाट कोरियाका शैक्षिक अवसरहरू, छात्रवृत्ति, अध्ययन प्रक्रिया, भिषा प्रक्रिया, पाठ्यक्रमका बारे जानकारी दिइएको थियो।