विष्णु पौडेलद्वारा क्षमायाचना, हिंसात्मक गतिविधि चलाउनेलाई कारबाहीको माग

काठमाडौं। नेकपा (एमाले) का नेता तथा पूर्वअर्थमन्त्री विष्णुप्रसाद पौडेलले विगतमा नेकपा एमालेले गरेका निर्णय र कार्यका बारेमा गम्भीर समीक्षा हुने बताउँदै व्यक्तिगत रूपमा आफ्ना कमजोरी र भूलप्रति क्षमायाचना गर्नुभएको छ।

संविधान दिवसको अवसरमा जारी शुभकामना सन्देशमा उहाँले भन्नुभएको छ, ‘जनताको, विशेषगरी युवा पुस्ताको आकांक्षा, असन्तुष्टि र आक्रोशलाई सम्बोधन गर्न नसक्नु, भ्रष्टाचार नियन्त्रण र सुशासनमा अपेक्षित सुधार गर्न नसक्नु नै जेन्जी आन्दोलनका प्रमुख कारण हुन् ।’

जेन्जी आन्दोलनका शहीदप्रति श्रद्धाञ्जली अर्पण तथा शोकाकुल परिवारप्रति समवेदना र घाइतेहरूको शीघ्र स्वास्थ्यलाभको कामना गर्दै उनले आन्दोलनका क्रममा भएको हिंसा, हत्या, तोडफोड र आगजनीको निष्पक्ष छानबिन गरी दोषीमाथि कानुनबमोजिम कारबाही गर्न र क्षतिग्रस्त सार्वजनिक तथा निजी संरचनाको तत्काल पुनर्निर्माण गर्न सरकारसँग माग पनि गर्नुभएको छ।  उहाँले आन्दोलनका क्रममा भएको हिंसात्मक गतिविधि निन्दनीय भएको दोहोर््यााउनुुभयो।