जेनजी आन्दोलनका मृतकप्रति श्रद्धाञ्जली दिँदै कांग्रेसद्वारा दीप प्रज्वलन

काठमाडौं। नेपाली कांग्रेसको काठमाडौं महानगर समितिको जेन जी आन्दोलनका क्रममा निधन भएकाहरुको शोकमा दीप प्रज्वलन गरेको छ । शनिवार साँझ रत्नपार्कस्थित शान्ति बाटिकामा भेला भइ काठमाडौं महानगर समितिले दीप प्रज्वलन गरी शोक व्यक्त गरेको हो ।

दीप प्रज्वलतन कार्यक्रममा नेपाली कांग्रेसका महामन्त्री गगनकुमार थापा लगायतका नेताहरु सहभागी हुनुहुन्थ्यो । गत भदौ २३ र २४ गते देशभर भएको जेन जी आन्दोलनका क्रममा ७४ जनाको ज्यान गएको छ ।

सयौँ मानिसहरु उपचाररत छन् । आन्दोलनका मृतकको चीर शान्तिको कामना गर्दै समितिले दीप प्रज्वलन र श्रद्धाञ्जली अर्पण गरेको हो । सरकारले जेन जी आन्दोलनका क्रममा निधन भएकाहरुलाई शहीद घोषणा गरिसकेको छ ।

मृतकका परिवारलाई १५ लाख दिने निर्णय गरेको छ । जेन जीको आन्दोलन प्रतिनिधि सभाबाट निर्वाचित सरकार ढलेर अन्तरिम सरकार बनेको छ । सुशीला कार्की नेतृत्वको अन्तरिम सरकारलाई आगामी फागुन २१ गते प्रतिनिधि सभाको निर्वाचन गराउनुपर्ने म्याण्डेट छ । —न्युज एजेन्सी नेपाल