वेष्ट इन्डिजविरुद्धको सिरिज जितेकोमा नेपाललाई प्रचण्डले दिए बधाई

काठमाडौं। नेकपा माओवादी केन्द्रको महाधिवेशन आयोजक समितिका संयोजक प्रचण्डले नेपाली राष्ट्रिय क्रिकेट टोलीलाई ऐतिहासिक जितको लागि बधाई दिनुभएको हो।

दुई पटकको विश्वकप विजेता तथा टेस्ट मान्यता प्राप्त वेस्ट इन्डिजविरुद्धको त्रिदिवसीय सिरिजमा लगातार दुई खेल जित्दै सिरिज कब्जा गर्न सफल भएकोमा प्रचण्डले क्रिकेट टोलीलाई हार्दिक बधाई दिनुभयो।

उनले संकटको घडीमा आशा र उत्साह जगाउने यस प्रदर्शनले नेपालको छवि र गौरवलाई नयाँ उचाइमा पुर्‍याएको गएराति फेसबुकमा उल्लेख गर्नुभएको हो।

यस अवसरमा प्रचण्डले विगतमा आफू नेतृत्वको सरकारले प्राथमिकताका साथ अघि बढाएको रंगशालाहरूको पूर्वाधार निर्माणलाई अझ प्राथमिकताका साथ अघि बढाउन वर्तमान सरकारलाई ध्यानाकर्षण गराउनुभएको हो।