जेनजी आन्दोलनपछि शीर्ष नेताहरुलाई  क्षमायाचनासहित स्वेच्छिक अवकाशको सुझाव

काठमाडौं। जेनजी आन्दोलनपश्चात ३० जना नागरिक अगुवाहरुले कांग्रेस सभापति शेरबहादुर देउवा, एमाले अध्यक्ष केपी ओली, माओवादी संयोजक पुष्पकमल दाहाल ‘प्रचण्ड-सहित शीर्ष नेताहरुलाई क्षमायाचनासहित स्वेच्छिक अवकाश लिन सुझाएका छन्।

साझा अपिलमा भनिएको छ कि विघटित प्रतिनिधिसभामा प्रतिनिधित्व गर्ने प्रमुख दलको नेतृत्वले हालको राजनीतिक परिस्थितिको नैतिक जिम्मेवारी लिएर राजीनामा दिनुपर्छ। यसले केवल दलको भविष्य मात्र नभई लोकतन्त्र र दलीय प्रणालीको दीर्घकालीन मजबुतीका लागि पनि आवश्यक रहेको उल्लेख छ।

अपिलमा राजनीतिक परिवेशको विशेषतामा ध्यान दिँदै सबै दलले अविलम्ब विशेष महाधिवेशन गरी नयाँ नेतृत्व चयन गर्नुपर्ने सिफारिस गरिएको छ। नागरिक अगुवाहरुले यस कदमले जनताको विश्वास फर्काउने र दलगत जिम्मेवारी सुनिश्चित गर्ने बताएका छन्।