गृहमन्त्रीसँग ५ देशका राजदुतको भेट, सुरक्षा प्रमुखहरुसँग पनि छलफल

काठमाडौं। गृहमन्त्री ओमप्रकाश अर्यालले विभिन्न देशका राजदुत तथा  सुरक्षा निकायका प्रमुखहरुसँग छलफल गर्नुभएको छ ।

बिहीवार मन्त्रालयमा युरोपियन युनियन, फ्रान्स, जर्मनी, फिनल्याण्ड र स्विजरल्याण्डका राजदुहरुले शिष्टाचार भेटवार्ता गर्नुभएको हो । सिंहदरबारस्थित गृह मन्त्रालयमा भएको भेटमा नेपालको हित र समृद्धिबारे छलफल भएको बताइएको छ । नेपालको पछिल्लो अवस्था, समसामयिक विषय र नेपाललाई गर्ने सहयोगका बारेमा छलफल भएको बताइएको छ । 

सुरक्षा प्रमुखहरुसँग पनि छलफल

यसैबीच गृहमन्त्री अर्यालले तीन वटै सुरक्षा निकायहरुसँग छलफल गर्नुभएको हो । छलफलमा नेपाल प्रहरीका प्रमुख प्रहरी महानिरीक्षक चन्द्रकुवेर खापुङ, सशस्त्र प्रहरी बल, नेपालका प्रमुख सशस्त्र प्रहरी महानिरीक्षक राजु अर्याल र नेपाली सेनाका प्रतिनिधिहरुसँग छलफल गर्नुभयो।

पछिल्लो राजनीतिक घटनाक्रम, विपद् व्यवस्थापनबारे जानकारी लिनुभएको छ ।