तास खेलिरहेका नौजना पक्राउ

काठमाडौं। दाङमा तास खेलिरहेका नौजनालाई प्रहरीले पक्राउ गरेको छ । पक्राउ पर्नेमा तुलसीपुर उपमहानगरपालिका–७ का ३६ वर्षीय प्रेमप्रकाश वलीसहितका व्यक्तिहरू छन्।

तुलसीपुर–९, अटोभिलेजस्थित एक घरमा जुवातास खेलिरहेको अवस्थामा शनिबार (असोज २५) साँझ उनीहरूलाई पक्राउ गरिएको प्रहरी प्रधान कार्यालयले जानकारी गराएको छ ।

नगद ३४ हजार ६०५ रुपैयाँ र दुई बुक ताससहित उनीहरूलाई पक्राउ गरिएको प्रहरीले जनाएको छ ।