सर्पले टोकेर महिला घाइते

कञ्चनपुर । कञ्चनपुरमा सर्पले टोकेर एक महिला घाइते हुनुभएको छ। मंगलबार दिउँसो कृष्णपुर नगरपालिका वडा नम्बर ५ गुलरिया बस्ने ४० वर्षिया पार्वती जोशी सर्पको टोकाइबाट घाइते हुनुभएको हो।

घर नजिकै रहेको आफ्नै खेतबारीमा काम गर्ने क्रममा बायाँ खुट्टाको औँलामा उनलाई सर्पले टोकेको थियो । उहाँको सेती प्रादेशिक अस्पताल धनगढीमा उपचार भइरहेको प्रहरीले जनाएको छ।