एमाले केन्द्रीय कमिटी आजदेखि बस्दै, के छन् एजेन्डा?

काठमाडौँ। नेकपा एमालेको १०औं केन्द्रीय कमिटी बैठक बुधबार बस्दैछ । एमाले प्रचार विभाग प्रमुख राजेन्द्र गौतमले बैठक बिहान ११ बजे ललितपुरको जावलाखेलमा राखिएको जानकारी दिनुभयो।

उहाँका अनुसार बैठकमा पार्टी अध्यक्ष केपी शर्मा ओलीको समसामयिक राजनीतिक घटनाक्रम समेटिएको राजनीतिक प्रतिवेदन, राजनीतिक प्रस्ताव र विविध विषयमा छलफल गर्ने एजेन्डा छ । बैठकमा आसन्न पार्टीको राष्ट्रिय महाधिवेशनको बारेमा पनि छलफल हुने प्रमुख गौतमले बताउनुभयो।

एमालेको असोज १२ गते बसेको सचिवालय बैठकले केन्द्रीय कमिटी बैठक आयोजना गर्ने निर्णय गरेको थियो ।