एकीकृत समाजवादीको केन्द्रीय कमिटी बैठक आजदेखि

काठमाडौँ। नेकपा एकीकृत समाजवादीको केन्द्रीय कमिटी बैठक बुधबार शुरु हुँदैछ। बैठक सुकेधारास्थित एक पार्टी प्यालेसमा बुधबार ११ बजे बस्ने पार्टीको प्रचार विभाग उपप्रमुख दामोदर अर्यालले जानकारी दिनुभयो ।

केन्द्रीय कमिटी बैठकमा ६ वटा विषयमा छलफल हुने उहाँले बताउनुभयो। बैठकमा मुलुकको वर्तमान राजनीति, जेनजी आन्दोलन, निर्वाचन तयारी, आन्तरिक सङ्गठन व्यवस्थापन र नयाँ मनोनित केन्द्रीय सदस्यको शपथ छलफलका एजेण्डा छन्।

त्यसबाहेक बैठकमा पार्टी एकता कार्यदल समितिले पार्टी एकताका लागि भएको छलफल र प्रगतिबारे रिपोर्ट प्रस्तुत गर्नेछ। पार्टीले नेता बेदुराम भुसालको नेतृत्वमा ३ सदस्यीय पार्टी एकता समिति गठन गरेको थियो। यो समितिले वामपन्थी दलसँग एकताका लागि वार्ता गर्दै आएको छ।