१५ दिनभित्र कन्सल्टेन्सी नविकरण गर्न शिक्षा मन्त्रालयको सूचना

काठमाडौँ। शिक्षा, विज्ञान तथा प्रविधि मन्त्रालयले नेपालमा कार्यरत शैक्षिक परामर्श सेवा प्रदायकहरूलाई आफ्नो दर्ता नवीकरण गर्न आह्वान गरेको छ। सबै संस्था र व्यक्तिले केन्द्रीय सूचना प्रबन्धन प्रणाली (CIMS) मार्फत अनलाइन दर्ता नवीकरण गर्नु पर्नेछ।

नवीकरणका लागि आवश्यक कागजातहरूमा कम्पनी दर्ता प्रमाणपत्र, व्यवसाय दर्तारप्यान, भौतिक ठेगाना र कार्यालयको फोटो, योग्य परामर्शदाताहरूको प्रमाणपत्र, सेवा सूची र अन्य आवश्यक दस्तावेजहरू समावेश छन्। मन्त्रालयले आवश्यक परेमा संस्थाको भौतिक निरीक्षण पनि गर्न सक्नेछ।

अनलाइन दर्ता प्रक्रिया cims .moest.gov.npमार्फत उपलब्ध छ। शुल्क भुक्तानी र कागजात पेश गरेपछि दर्ता नवीकरण पूरा हुनेछ।

मन्त्रालयले सबै परामर्श सेवा प्रदायकहरूलाई निर्धारित समयभित्र प्रक्रिया पूरा गर्न अनुरोध गरेको छ। यसले नेपाली विद्यार्थीहरूलाई विश्वसनीय र नियमित परामर्श सेवा उपलब्ध गराउन सहयोग पुर्याउने विश्वास लिइएको छ।