जेनजी आन्दोलन अमेरिकाले गर्यो : मोहनविक्रम सिंह

काठमाडौँ। वामपन्थी नेता मोहनविक्रम सिंहले जेनजी आन्दोलन अमेरिकाले चलाएको आरोप लगाउनुभएको छ।

शनिवार काठमाडौँमा जेनजी आन्दोलनबारे आयोजित छलफल कार्यक्रममा बोल्दै उनले यस्तो आरोप लगाउनुभएको हो।  उहाँले अहिलेको सरकार जेनजी आन्दोलनबाट बने पनि आन्दोलन चाहिँ अमेरिकाले चलाएको बताउनुभयो।

अमेरिकासँग सम्बन्धित व्यक्तिहरू नै सरकार बनाउने खेलमा सक्रिय रहेको उहाँको भनाइ छ। जेनजी आन्दोलनको परिणाम र एनजिओ, आइएनजीओसँग सम्बन्धित व्यक्तिहरू अहिलेको सरकारमा रहेको बताउनुभयो।

विभिन्न पछिल्ला गतिविधिले उनीहरूको चरित्रलाई उदांगो बनाइदिएको उल्लेख गर्नुभयो।

उहाँले भन्नुभयो, ‘जेनजी आन्दोलन अमेरिकाद्वारा सञ्चालित हो। त्यसका मान्छेहरू पनि बढी अमेरिकाप्रति सम्बन्धित, बारबरा फाउण्डेशनसँग सम्बन्धित छ। एनजिओ, आइएनजीओसँग सम्बन्धित छ।’