पत्रकार खनियाँ मृत अवस्थामा फेला, आत्महत्या गरेको आशंका

काठमाडौं । पत्रकार दिपेन्द्र खनिया मृत फेला पर्नुभएको छ। खनिया बानेश्वरस्थित घरमा मृत अवस्थामा फेला परेको जिल्ला प्रहरी परिसर काठमाडौं एसपी पवनकुमार भट्टराईले बताउनुभएको छ।

खनियाले आत्महत्या गरेको प्रहरीको आशंका छ। अहिले घटनास्थलको मुचुल्का गरी शवलाई पोस्टमार्टमका लागि त्रिवि शिक्षण अस्पताल महाराजगञ्ज पठाइएको छ।

इन्टरनेटको वायर गाँसेर खनियाले पासो लगाएको प्रहरीले जनाएको छ। उहाँ एक छोरी र श्रीमतीसहित बस्दै आउनुभएको थियो। खनिया रेडियो अडियो एफएमका सञ्चालक हुनुहुन्छ।