जसपा परित्यागपछि अशोक यादव प्रचण्डको नेकपामा

काठमाडौं। अशोक कुमार यादवले जनता समाजवादी पार्टी परित्याग गरी नेपाली कम्युनिस्ट पार्टी प्रवेश गर्नुुभएको छ। पुष्पकमल दाहाल प्रचण्डले काठमाडौंमा आयोजित कार्यक्रममा यादवलाई नेकपामा प्रवेश गराउनुभएको छ।

यादव बिहीबार नै जसपाको साधारण सदस्य समेत नरहने गरी पार्टी परित्याग गरेको घोषणा गर्नुभएको थियो।

उहाँ जसपाको मधेश प्रदेश अध्यक्ष हुनुहुन्थ्यो। नेकपामा उनको जिम्मेवारी खुलाइएको छैन । बिहीबार जसपाका राजेन्द्र श्रेष्ठसहितका नेता समेत नेकपामा समाहित हुनुभएको थियो।