कांग्रेसको १५औँ महाधिवेशन पुस २६–२८, यस्तो छ कार्यतालिका

काठमाडौं। नेपाली कांग्रेसको केन्द्रीय समितिले कार्यवाहक सभापति पूर्णबहादुर खड्काले प्रस्तुत गरेको १५औँ महाधिवेशनको कार्यतालिका सर्वसम्मत रूपमा पारित गरेको छ। सोमबार बसेको केन्द्रीय समिति बैठकले पुस २६देखि २८ गतेसम्म काठमाडौंमा महाधिवेशन गर्नेगरी कार्यतालिका अनुमोदन गरेको हो।

बैठकमा प्रस्तुत पारित कार्यतालिका:

जन–सम्पर्क समिति अधिवेशन: पुस १५
– वडा अधिवेशन: पुस १६
-पालिका अधिवेशन: पुस १७
-प्रदेश सभा क्षेत्रीय अधिवेशन: पुस १९
-एक मात्र प्रतिनिधिसभा क्षेत्र भएका जिल्लाको अधिवेशन: पुस २१
-एकभन्दा बढी क्षेत्र भएका जिल्लाको क्षेत्रीय तथा जिल्ला अधिवेशन: पुस २२
-प्रदेश अधिवेशन: पुस २३ र २४
-केन्द्रीय महाधिवेशन: पुस २६–२८

त्यसैगरी, केन्द्रीय समिति बैठकले केन्द्रीय कार्यसमितिको कार्यकाल माघसम्म थप गर्ने निर्णय गरेको छ। योजना सहज बनाउने उद्देश्यले क्रियाशील सदस्यता व्यवस्थापन तथा विधान मस्यौदा सम्बन्धी दुईवटा समिति गठन गर्ने निर्णय पनि बैठकले गरेको छ।