जेनजी आन्दोलनमा खरानी भएको एमाले जनता फर्कियो : शेरधन राई

काठमाडौँ । नेकपा एमालेका स्थायी कमिटी सदस्य तथा कोशी प्रदेशका पहिलो मुख्यमन्त्री शेरधन राईले जेनजी आन्दोलनपछि पार्टी जनताबिच फर्किसकेको बताउनुभएको छ।

उनले अब एमाले देशको निर्णायक राष्ट्रिय शक्ति बन्ने दाबी गरेका छन् । ११ औँ महाधिवेशनको पूर्वसन्ध्यामा बिहीबार काठमाडौँमा सञ्चारकर्मीहरूसँग कुरा गर्दै उहाँले पार्टीले कठिन परिस्थितिबाट पुनः उठेर सङ्गठनलाई मजबुत बनाएको बताउनुभयो।

एमालेले एक वर्षअघि अर्ली महाधिवेशन गरेर देशमा बढ्दै गएको अस्थिरता र नयाँ चुनौतीको सामना गर्न लागेको पनि उहाँले बताउनुभयो । ‘हामीले मिसन ०८४ का लक्ष्य यही सोचेर तय गरेका थियौँ। महाधिवेशनपछि एमाले अझ बलियो रूपमा अगाडि आउँछ,’ उहाँले भन्नुभयो।

गत भदौ २३ र २४ गतेको जेनजी आन्दोलनपछि देश गम्भीर सङ्कटमा प्रवेश गरेको र राज्यका अङ्गमा अराजकता फैलिएको उहाँको मूल्याङ्कन छ ।‘जेनजीका नाममा अराजक समूहले लोकतन्त्रमाथि प्रहार गर्‍यो। आन्दोलनको मूल एजेन्डा भ्रष्टाचार नियन्त्रण थियो, सत्ता पलट होइन,’ राईले भन्नुभयो।