महाधिवेशनले परिवर्तको आकांक्षा पूरा गर्छ: ईश्वर पोखरेल पोखरेल

काठमाडौं। नेकपा (एमाले)का नेता ईश्वर पोखरेलले काठमाडौंमा जारी एघारौँ महाधिवेशनले पार्टीलाई संगठनात्मक र वैचारिक रुपमा पुर्नव्यवस्थित गर्दै परिवर्तनको अपेक्षा पूरा गर्ने विश्वास व्यक्त गर्नुभएको छ ।
बुधवार निर्वाचनस्थलमा सञ्चारकर्मीहरुसँग कुरा गर्दै अध्यक्षका उम्मेदवार समेत रहनुभएका नेता पोखरेलले यस्तो बताउनुभएको हो । उहाँले पार्टीलाई विचार, संगठन र कार्यसम्पादन शैलीमा पुनव्र्यवस्थित गर्न आवश्यक रहेको भन्दै त्यसैको लागि आफूहरुले उम्मेदवारी दिएको समेत दाबी गर्नुभयो। उहाँले पार्टी सञ्चालन सामूहिक नेतृत्वअन्तर्गत विधि र पद्धतिमा हुनुपर्नेमा जोड दिनुभयो ।

उहाँले भन्नुभयो, ‘महाधिवेशनले परिवर्तनको अपेक्षा पुरा गर्छ भन्ने मैले अपेक्षा राखेको छु । किनभने हाम्रो प्रतिनिधि साथिहरु र देशव्यापी रुपमै हामीले पुर्नव्यवस्थित हुनुपर्छ भन्ने छ । मैले भन्दै आएको छु विचारमा पुर्नव्यवस्थित हुन जरुरी छ । संगठन र कार्यसम्पादन गर्ने शैलीमा समेत पुर्नव्यवस्थित गर्न जरुरी छ । पार्टीलाई सामूहिक नेतृत्वअन्तर्गत विधि र पद्धतिमा सञ्चालन गर्नुपर्ने आवश्यकता छ । आम प्रतिनिधिहरुको यही भावनालाई प्रतिनिधित्व गर्दै हामीले उम्मेदवारी दिएका हौँ ।’

उहाँले पदाधिकारीमा धेरै जनाको उम्मेदवारी परेको कारण मतदानमा लामो समय लागेको समेत बताउनुभयो ।