संसद् विघटनको विरुद्धमा रवि, `सहिदको रगत सुकेको छैन, आँखा नझिम्क्याउनू´

काठमाडौं । राष्ट्रिय स्वतन्त्र पार्टी (रास्वपा)का सभापति रवि लामिछानेले गएको भदौ २३ र २४ गतेको ‘जेनजी’ प्रदर्शनका क्रममा ज्यान गुमाएकाहरूको रगत अझै नसुकेको भन्दै ‘नजिस्काउन’ चेतावनी दिनुभएको छ । थुनामुक्त भएपछि शनिबार (पुस ५) चितवनमा पहिलोपल्ट सार्वजनिक सम्बोधनमा उहाँले उक्त विद्रोहलाई कसैले जिस्काउने वा चलाउने आँट नगर्न चुनौती दिनुभयो।

भदौ २३ गते ताकीताकी गोली हानिएपछि भोलिपल्ट आक्रोशित जनताले घरघरबाट विद्रोह गरेका उनले टिप्पणी गर्नुभयो, `जनताले गरेको विद्रोह हो,´ उहाँले भन्नुभयो, “त्यो विद्रोहलाई कतै कुनामा पसेर जिस्काउने, चलाउने आँट नगर है खबरदार !´

प्रतिनिधिसभा ब्युँताउनेतर्फ नलाग्न पनि उहाँले खबरदारी गर्नुभयो। उहाँले भन्नुभयो, “जनताको विद्रोहलाई चुनौती दिने भन्दै संसद् ब्युँताउने हो कि भनेर आँखा चम्काउने वा नचाउनेहरू हो, होसियार ! सहिदको रगत अझै सुकेको छैन । सहिदकी आमाको आँसु अझै ओभानो भएको छैन, खबरदार !´