कमल थापाको नाम काठमाडौं ५ र बाँके २ बाट सिफारिस

काठमाडौं । फागुन २१ गते हुने निर्वाचनमा राप्रपा नेपालका अध्यक्ष कमल थापाको नाम काठमाडौं -५ बाट एकल सिफारिस भएको छ ।

राप्रपा नेपाल काठमाडौं -५ को आज बसेको क्षेत्रीय कार्य समितिको बैठकले थापाको नाम एकल सिफारिस गरेको क्षेत्रीय अध्यक्ष सन्तोष अधिकारीले जानकारी दिनुभयो।

बैठकले समानुपातिकतर्फ जयकुमार खड्का, अर्जुन नेपाली र सुनिता कुरुङ्ग्वाङ्गको नाम सिफारिस गरेको छ ।

यसैगरी आजै नेपालगन्जमा बसेको पार्टी कमिटी बैठकले बाँके -२ बाट पनि थापाको नाम सर्वसम्मत सिफारिस गरेको बाँके जिल्ला अध्यक्ष दीपेन्द्रबहादुर सिंहले जानकारी दिनुभयो।

उम्मेदवारहरुको नामावली सिफारिस देशब्यापी रुपमा भइरहेको पार्टी केन्द्रीय सचिवालयले जनाएको छ ।