पुस २० देखि मेची-महाकाली अभियान चलाउँदै विप्लव माओवादी

काठमाडौँ । नेकपा माओवादीले पुस २० गतेदेखि मेची–महाकाली युवा अभियान चलाउने निर्णय गरेको छ । काठमाडौँको बुद्धनगरमा बिहीबार बसेको केन्द्रीय समितिको विशेष बैठकले मेची–महाकाली अभियान सहित विभिन्न संघर्षको कार्यक्रम गर्ने निर्णय गरेको हो ।

बैठकले देशमा विदेशी साम्राज्यवादी हस्तक्षेप बढेको निष्कर्ष निकाल्दै देशव्यापी संघर्षको कार्यक्रम गर्ने निर्णय भएको प्रवक्ता खड्गबहादुर विश्वकर्माले जानकारी दिनुभयो।

‘देशमा साम्राज्यवादी विदेशी हस्तक्षेप बढेको छ । फागुनमा हुने चुनावले समस्याको निकास दिँदैन । भ्रष्टाचार, बेथिति अन्त्य गरी नव दलाल, विदेशी हस्तक्षेप अन्त्य गर्न नयाँ विचार र नयाँ रोडम्याप चाहिएको छ । त्यसका लागि नेकपा माओवादीले स्पष्ट खाका पेस गर्छ’, उहाँले भन्नुभयो।

अहिलेको सरकारले समस्याको निकास नदिने भएकाले सुशासन, संविधान पुनर्लेखन लगायत विषयमा संघर्ष गर्नुपरेको विश्वकर्माले स्पष्ट पार्नुभयो।