लौरो चुनाव चिह्न बालेनको प्राइभेट होइन, चुनाव चिह्न फिर्ता गर्नू : लौरो अभियान

काठमाडाैँ । लौरो अभियानले लौरो चुनाव चिन्ह स्वतन्त्र समूहलाई सुरक्षित रुपमा फिर्ता गर्न माग गरेको छ । बिहीबार काठमाडौँमा पत्रकार सम्मेलन गर्दै लौरो अभियानले लौरो चुनाव चिन्ह स्वतन्त्र समूहलाई सुरक्षित रुपमा फिर्ता गर्न माग गरेको हो ।

काठमाडौँ महानगरपालिकाका मेयर बालेन्द्र साह राष्ट्रिय स्वतन्त्र पार्टीमा प्रवेश गरेसँगै लौरो चुनाव चिन्ह उहाँको वा उहाँको समूहको रहन नसक्ने लौरो अभियानका अभियान्ता डम्बर साहुले बताउनुभयो। उहाँका अनुसार लौरो स्वतन्त्रहरुको प्रतिक हो ।

बालेन साह र उनको टिमले लौरो चुनाव चिन्ह स्वतन्त्र समूहलाई सुरक्षित, सम्मानजनक र आधिकारिक रुपमा फिर्ता गर्न उहाँले माग गर्नुभयो। लौरो चुनाव चिन्ह कुनै व्यक्ति, समूह वा गुटको नभएको बताउनुभयो।