विशेष महाधिवेशनका उपस्थित नहुन कांग्रेसको अपिल, गगनको फरक मत

काठमाडौं। नेपाली कांग्रेसले विशेष महाधिवेशनमा उपस्थिति नहुन अपिल गर्दै कार्यसम्पादन समितिले निर्णय गरेको छ।

आज बसेको कांग्रेस कार्यसम्पादन समिति बैठकले विशेष महाधिवेशन भनिएको भेलामा उपस्थित नहुन अनुरोध गर्ने निर्णय गरिएको बतााएको हो।

बैठकपछि पत्रकारलाई प्रतिक्रिया दिँदै नेता साउदले भन्नुभयो, `पदाधिकारीले विशेष महाधिवेशन बोलाउने विधानमा व्यवस्था छैन । त्यसकारण देशभरिका केन्द्रदेखि तल्लो तहसम्मका पदाधिकारी महाधिवेशन, महासमिति सदस्य सबैलाई विशेष महाधिवेशन भनिएको भेलामा उपस्थित नहुन अनुरोध गर्ने निर्णय गरिएको छ ।’

बैठकमा विभिन्न विचार आएको भन्दै नेता साउदले थप्नुभयो, `विशेष महाधिवेशन भनिएको भेलालाई तत्काल रोक्नका लागि पनि सम्बन्धित सबैमा केन्द्रीय कार्य सम्पादन समितिको बैठकले अनुरोध गर्ने अपिल गर्ने निर्णय गरेको छ ।’ कांग्रेस महामन्त्री थापाले भने सोही निर्णयमा फरक मत राख्नुभएको छ।

थापा पक्षले आगामी पुस २७ बाट विशेष महाधिवेशन तोकेको छ। नेता र नेतृत्व परिवर्तनका लागि भन्दै थापा पक्षले सबै प्रतिनिधिलाई काठमाडौं बोलाएको छ।