चुनावपछि संसदमा युवाको वर्चस्व रहन्छ : सञ्चारमन्त्री

काठमाडौं। सञ्चार तथा सूचना प्रविधिमन्त्री जगदिश खरेलले आगामी निर्वाचनपछि संसद र सरकार दुवैमा युवाहरुको वर्चश्व रहने दाबी गर्नुभएको छ।

शुक्रबार आफ्नो मन्त्रालय अन्तर्गतको सूचना प्रविधि विभागमा आयोजित एक कार्यक्रममा बोल्दै उनले यस्तो बताउनुभएको छ। तोकिएको मितिमा निर्वाचन हुने र त्यसपछि बन्ने संसद र सरकारमा युवाहरुको वर्चश्व हुने भएकाले मुलुकको सूचना प्रविधि क्षेत्रको विकासले त्यसले महत्वपूर्ण योगदान दिने उहाँको विश्वास छ।

मन्त्री खरेलले संसद र सरकार दुवैमा युवाहरुको वर्चश्व हुनु मुलुकका लागि नै खुशीको कुरा भएको समेत बताउनुभयो।

‘चुनाव फागुन २१ मै हुन्छ। जुनसुकै पार्टीले पनि अहिले युवाहरुका लागि कोटा तोकेको छ। यो हामीले आशा गर्ने ठाउँ हो। यस पटक संसद वा सरकारमा जुनसुकै पार्टीबाट आए पनि युवाहरुको वर्चश्व हुनेवाला छ।’ उहाँले भन्नुभयो, ‘युवाहरुको वर्चश्व हुनु भनेको यो डिपार्टमेन्टको लागि खुशीको कुरा हो । संसदको समितिमा आवाज उठ् । सरकारमा आवाज उठ्छ कि अब आईसिटीतर्फ नबढी हुँदैन नेपाल बनाउने हो भनेर त्यो युवाहरुको जमात आईराख्दा यसलाई अगाडि बढाउनुपर्छ ।’