प्रतिनिधिसभा निर्वाचन : समानुपातिक सूचीमा नाम फिर्ता गर्ने अन्तिम मिति भोलि मात्र

काठमाडौं। आउँदो फागुन २१ गतेलाई तय प्रतिनिधिसभा सदस्य निर्वाचनका लागि समानुपातिकको बन्दसूचीमा समावेश भएका उम्मेदवारले भोलि सोमबार नाम फिर्ता लिन सक्नेछन् ।

बन्दसूचीमा समावेश भएका कुनै पनि उम्मेदवारले नाम फिर्ता लिन चाहेमा प्रतिनिधिसभा सदस्य समानुपातिक निर्वाचन निर्देशिका २०८२ को अनुसूची १८ अनुसार निवेदन दिन सक्ने निर्वाचन आयोगले जनाएको छ ।

आयोगले सोमबार बिहान १० देखि दिउँसो ४ बजेसम्म नाम फिर्ता लिन सक्ने बताएको छ ।

‘कुनै कारणवश सम्बन्धित उम्मेदवार उपस्थित हुन नसक्ने भएमा वारेसमार्फत् समेत नाम फिर्ता लिनका लागि निवेदन दिन सकिने बेहोरा सम्बन्धित सबैमा जानकारी गराइन्छ’, आयोगले भनेको छ।