विशेष महाधिवेशनको उद्घाटन सत्र साँच्चै नै विशेष रह्यो, सहभागीलाई आभार : गगन थापा

काठमाडौँ। नेपाली कांग्रेसका महामन्त्री गगन थापाले आइतबारबाट सुरु भएको विशेष महाधिवेशन साच्चिकै विशेष बनेको दाबी गर्नुभएको छ।

सोमबार बिहान सामाजिक सन्जालमा महाधिवेशनको तस्बिर सार्वजनिक गर्दै महामन्त्री थापाले महाधिवेशनमा कांग्रेसलाई सही दिशामा उभ्याउन आउनुभएका सहभागी भन्दै आभार प्रकट गर्नुभएको छ। कांग्रेसको संस्थापन पक्षको अनुमतिबिना नै थापा र अर्का महामन्त्री विश्वप्रकाश शर्माले महाधिवेशन आयोजना गर्नुभएको हो।

महाधिवेशनमा झन्डै ६५ प्रतिशत प्रतिनिधि सहभागी हुनुभएको छ। उहाँहरूको हिम्मतलाई पार्टीभित्र र बाहिरबाटै प्रशंसा भइरहेको छ।