देउवा पक्षले गगनकुमार थापा, विश्वप्रकाश शर्मा र फरमुल्ला मन्सुरलाई कारबाही गर्ने अधिकार राख्दैन ; केसी

उहाँले जारी विशेष महाधिवेशन नै पार्टीको वैधानिक थलो भएको दाबी गर्दै सम्पूर्ण निर्णय यही प्रक्रियाअन्तर्गत हुने बताउनुभयो। उहाँले विशेष महाधिवेशनको हलबाट पार्टीको सभापति तथा अन्य पदाधिकारी घोषणा गरी सभापतिको हस्ताक्षरसहित पदाधिकारीको विवरण निर्वाचन आयोगमा पेस गरिने जानकारी दिनुभयो।

उहाँले भन्नुभयो ‘जुन दिन विशेष महाधिवेशनको बन्दसत्रबाट कार्यविधि पास भयो‚ त्यही दिन पार्टीको निवर्तमान केन्द्रीय समिति विघटन भइसक्यो। विघटित कार्यसमितिले कसैलाई पनि कारबाही गर्ने अधिकार राख्दैन, छैन।’

उहाँले आगामी निर्वाचनमा काँग्रेस नयाँ नीति र नेतृत्वसहित जनतामाझ जाने स्पष्ट पार्नुभयो।