वामदेव गौतमको खोसियो टिकट

काठमाडौं । नेपाली कम्युनिस्ट पार्टी (नेकपा) नेता वामदेव गौतमको टिकट खोसिएको छ ।

नेकपाका संयोजक पुष्पकमल दाहाल प्रचण्डले गौतमको बर्दिया–१ को टिकट खोस्नुभएको हो।

गौतमले बर्दियाको २ मध्ये १ क्षेत्रमा मधेसका नेतालाई उठाउँदा हुने सुझाव दिँदा टिकट गुमेको बतााउनुुभयो।

“मलाई जुन क्षेत्रमा राख्नुभयो, पहिला पनि उठेको हुँ, राम्रै थियो । २ नम्बर क्षेत्रमा उहाँले आफ्ना सहयोगीलाई लगेर उठाउनुभयो । त्यसो नगर्नुस्, त्यहाँ मधेसी मूलका उमेदवार उठाऔं भनेको थिएँ,” उहाँले भन्नुभयो।

प्रचण्डले गौतमलाई आइतबार टिकट दिनुभएको हो।

“तपाईंको टिकट भनेर हिजो दिनुभएको थियो । मैले दुवै क्षेत्रमा पहाडी मुलका उमेदवार भएपछि चुनाव हराउने तरिका हो कमरेड भनेको थिएँ । तपाईं उठ्ने भए उठ्नुस्, नउठेन भए जानुस् भन्नुभयो,” गौतम भन्नुभयो“अब म अन्तबाट चुनाव उठदिनँ ।”

गौतमले उमेदवार बन्न आइतबार नै राष्ट्रियसभाबाट राजीनामा दिनुभएको थियो । गौतमले प्रचण्डलाई पत्र पठाइसक्नुभएको थियो।

नेकपाले बर्दिया १ मा विष्णुप्रसाद थारुलाई र बर्दिया २ मा सुरेश पन्तलाई उमेदवार बनाएको छ ।