आफूसँग सार्वजनिक बहसमा आउन ओली र बालेनलाई रञ्जितको आह्वान

काठमाडौं। नेपाली कम्युनिस्ट पार्टीका तर्फवाट झापा-५ का उम्मेदवार रञ्जित तामाङले एमाले अध्यक्ष केपी शर्मा ओली र रास्वपा नेता बालेन शाहलाई सार्वजनिक बहसमा आउन आमन्त्रण गर्नुभएको छ। नेकपा नेता तामाङले दुवैसँग सार्वजनिक बहसमा उत्रिन आफू तयार रहेको बताउनुभएको हो।

नेकपाको कमल गाउँपालिकास्तरीय भेलामा तामाङले भन्नुभयो, ‘अब जनताका प्रतिनिधिले जनताको कठघरामा उभिएर सार्वजनिक बहस गर्नुपर्दछ ।’ समय नयाँ ठाउँमा पुगे पनि चुनावको तरिका पुरानो भएकोमा तामाङले चिन्ता व्यक्त गर्नुभयो। नेता तामाङले नयाँ भनिनेहरूले जनता र मिडिया सामना गर्न इन्कार गरेकोमा आश्चर्य व्यक्त गर्नुभयो।

जनताको प्रतिनिधि हुन खोज्नेहरूले जनतासँग आफ्ना स्पष्ट योजना र प्रतिबद्धता राख्नुपर्ने उहाँले बताउनुभयो।