रास्वपाबाट कारबाहीमा परेका ढाकाकुमार हर्क साम्पाङको पार्टीमा

काठमाडौं। राष्ट्रिय स्वतन्त्र पार्टीका पूर्वसांसद ढाकाकुमार श्रेष्ठ श्रम संस्कृति पार्टीमा प्रवेश गर्नुभएको छ।

केही वर्षअघि रास्वपाबाट निष्काशित भएका श्रेष्ठलाई मंगलबार अध्यक्ष हर्क साम्पाङले स्वागत गर्नुभएको हो।

‘ढाकाकुमार श्रेष्ठज्यूलाई श्रम संस्कृतिमा स्वागत छ। अब लागौं है त,’ साम्पाङले फेसबुकमा लेख्नुभएको छ।

रास्वपाबाट सामनुपातिक सांसद रहँदा उहाँले स्वास्थ्य मन्त्री बन्छु भन्दै उहाँले दुर्गा प्रसाईंसँग दुई करोड रुपैयाँ मागेको अडिओ बाहिरिएको थियो।

अडिओ बाहिरिएपछि उहाँलाई रास्वपाले अनुशासनको कारबाही गरेको थियो।

त्यस्तै उहाँको मेडिकलबाट प्रतिबन्धित औषधि ट्रामाडोल बिक्री गरेको आरोपमा कास्की प्रहरीले उहाँलाई पक्राउ समेत गरेको थियो। उहाँ ७५ हजार धरौटी बुझाएर छुट्नुभएको छ।