एक हप्ताभित्र अनलाइनबाटै कन्सल्टेन्सीको नविकरण पत्र डाउनलोड गर्न सकिने

काठमाडौं। शिक्षा मन्त्रालय अन्तर्गत दर्ता भएका र नविकरणको लागि कागजात बुझाएका सबै शैक्षिक परामर्श संस्था (कन्सल्टेन्सी) हरुले अनलाइनबाटै नविकरणको प्रमाणपत्र डाउनलोड गर्न सक्ने भएका छन्।

शैक्षिक परामर्श शाखाका प्रमुख तथा शिक्षा मन्त्रालयका उपसचिव सेमन्त कोइरालाका अनुसार शिक्षा मन्त्रालयअन्तर्गत दर्ता भएका परामर्श संस्थाहरुको नविकरण धमाधम भईरहेको छ कतिले प्राप्त पनि गरिसकेका  छन्र बाँकीले  क्रमश: एक साताभित्र लिइसक्ने कोइरालाले जानकारी दिनुभयो।

नियम बमोजिमका कागजात बुझाउन बाकी सस्थाहरुलाई कागजात बुझाउन पनि आग्रह गरिएको छ। साबिककै पोर्टल लगिन गरि डाउनलोड गर्न सकिने छ।

यो प्रक्रिया संगै शैक्षिक परामर्श क्षेत्रको अनुमतिपत्र लिने काम धेरै सहज भएको छ र सम्पूर्ण व्यवसायीहरुले मन्त्रालयको यस किसिमको प्रविधि मैत्री कामको प्रशंसा गरेका छन्।