भदौ २३ पछि भदौ २४ भएको हो : रास्वपा

काठमाडौँ। राष्ट्रिय स्वतन्त्र पार्टीका नेता रामप्रसाद भट्टराईले भदौ २३ को घटनापछि भदौ २४ गतेको विध्वंस भएको बताएका छन्।आइतवार काठमाडौँमा आयोजित कार्यक्रममा भट्टराईले यस्तो बताउनुभएको छ।

जेनजी छानबिन समितिको प्रतिवेदन सार्वजनिक नभएको विषयमा सरकार, छानबिन समिति र एमालेबीच बार्गेनिङ भएको हुन सक्ने आशंका व्यक्त गर्नुभयो।

भट्टराईले निर्वाचनअघि प्रतिवेदन सार्वजनिक भए केही नेताको नाम आउने सम्भावना रहेको भन्दै त्यसै कारण प्रतिवेदन रोकिएको उनले आशंका गर्नुभयो। भट्टराईले केही राजनीतिक दलले जेनजी विद्रोहलाई आतंकवादको संज्ञा दिएकोप्रति आपत्ति जनाउनुभयो।

उहाँले भन्नुभयो, ‘यो सरकार, छानबिन समिति र एमालेबीच कुनै बार्गेनिङ पो छ कि? निर्वाचनभन्दा अगाडि छानबिन प्रतिवेदन आयो भने तिनै नेता दोषी देखिने भएको कारण प्रतिवेदन सार्वजनिक भइरहेको छैन। भाद्र २३ पहिला आएको भन्ने कुरा हामीले बिर्सिनु हुँदैन।’

उहाँले निर्वाचनबाट आफ्नो पार्टीले बहुमत ल्याउने दाबी पनि गर्नुभयो।