झापा–५ मा ३५० भन्दा बढी एमाले प्रवेश

काठमाडौँ।  निर्वाचन नजिकिँदै गर्दा नेकपा एमालेमा प्रवेश गर्नेहरूको लहर बढेको छ। झापा क्षेत्र नम्बर ५ अन्तर्गत दमक–४ बाट ३५० भन्दा बढी व्यक्ति एमालेमा प्रवेश गरेका छन्। धरधरे टोलमा आयोजित कार्यक्रममा विभिन्न दल परित्याग गरी उनीहरू एमालेमा प्रवेश गरेका हुन्। नवप्रवेशीलाई एमाले अध्यक्ष तथा पूर्वप्रधानमन्त्री केपी शर्मा ओलीले स्वागत गरेका थिए।

प्रवेश गर्नेहरूले विगतमा ओलीको नेतृत्वमा क्षेत्रको विकास भएको उल्लेख गर्दै आगामी दिनमा पनि विकासका लागि एमाले रोजेको बताएका छन्। आगामी फागुन २१ गते हुने प्रतिनिधिसभा निर्वाचनमा झापा–५ बाट ओली उम्मेदवार रहेका छन्।