दुर्गा प्रसाई फेरि पक्राउ

काठमाडौँ । राष्ट्र, राष्ट्रियता, धर्म, संस्कृति र नागरिक बचाउ महाअभियानका संयोजक तथा मेडिकल व्यवसायी दुर्गा प्रसाई पक्राउ पर्नुभएको छ। उहाँलाई भक्तपुर स्थित निवासबाटै पक्राउ गरिएको हो।

प्रसाईँलाई जिल्ला प्रहरी परिसर भक्तपुरमा लगिएको छ । उहाँलाई अनुसन्धानको लागि नियन्त्रणमा लिइएको जिल्ला प्रहरी परिसर भक्तपुरले जनाएको छ।

यसअघि सर्वोच्च अदालतको आदेशमा उहाँ फागुन १३ मा रिहा हुनुभएको थियो । पछिल्लो समय चुनाव बिथोल्ने भूमिका खेल्ने आशंका प्रशासनले उहाँलाई पक्राउ गर्ने र अदालतको आदेशले छाड्ने गर्दै आएको छ ।