`बालेनमाथि गोली प्रहार´भन्दै अपवाह फैलाउने पक्राउ

काठमाडौं । सामाजिक सञ्जाल टिकटकमा भ्रामक सूचना सम्प्रेषण गरी समाजमा नकारात्मक तथा गलत सूचनाहरू प्रवाह गर्ने व्यक्ति पक्राउ परेका छन् ।

पक्राउ पर्नेमा कञ्चनपुर, शुक्लाफाँटा नगरपालिका ७ बस्ने २३ वर्षीय प्रकाश भट्ट रहेका छन् ।

भट्टले सामाजिक सञ्जाल टिकटकमा “झापामा बालेन साह माथि गोली प्रहार” लेखेर पोष्ट गरेर नकारात्मक तथा गलत सूचनाहरू प्रवाह गरी सार्वजनिक शान्ति विरुद्धको कसुर गरेको जिल्ला प्रहरी परिसरका प्रवक्ता एसपी पवन भट्टराईले बताउनुभयो।

उनलाई शनिबार दिउँसो साढे २ बजेको काठमाडौं महानगरपालिका ५ डबली चोक स्थितबाट पक्राउ गरेका उहाँले बताउनुभयो  । जिल्ला प्रशासन कार्यालय काठमाडौंबाट ५ दिनको म्याद थप भइ अनुसन्धान भइरहेको प्रवक्ता भट्टले बताउनुभयो।